सरकारले गरेको गलत निर्णयको भारी पार्टीले बोक्दैन, अध्यादेश फिर्ता लिनुपर्छ

विश्वप्रकाशको भनाइमा समर्थन जनाउँदै थापाले गरे अध्यादेशबारे कांग्रेसको ४ बुँदे धारणा सार्वजनिक



काठमाडौं। नेपाली कांग्रेसका महामन्त्री गगनकुमार थापाले सरकारले अध्यादेश ल्याउने विषयमा गरेको गलत निर्णयको भारी पार्टीले नबोक्ने बताएका छन्।

अध्यादेश ल्याउने विषयबारे पार्टीमा कुनै छलफल नभएकाे उल्लेख गर्दै थापाले ;सरकारले अध्यादेश फिर्ता लिनुपर्ने पनि बताएका छन्। उनले सामाजिक सञ्जालमा लेखेका छन्, ‘अहिले पार्टीभित्र यो अध्यादेशका बारेमा न त कुनै छलफल भएको छ, न कुनै निर्णय नै भएको छ।’

अध्यादेशका बारेमा अर्का महामन्त्री विश्वप्रकाश शर्माले राखेको धारणा नै कांग्रेसको संस्थागत धारणा भएको गगनको भनाइ छ। यसअघि महामन्त्री शर्माले सडकमा हुँदा एउटा र सदनमा हुँदा अर्को धारणा नहुने प्रष्ट्याउँदै त्यस अध्यादेशले कानूनी र राजनीतिक मात्रै नभइ प्रधानमन्त्रीमाथि नै नैतिक संकट आउने बताएका थिए।

गगनले यसैलाई समर्थन गर्दै ४ बुँदा कांग्रेसको धारणा भनेर सार्वजनिक गरेका छन्।

  • अध्यादेश कानूनी, राजनीतिक र नैतिक हिसाबले समेत गलत छ। यो असंवैधानिक र अलोकतान्त्रिक र संसदीय व्यवस्थाको मर्मविपरीत छ।
  • हिलेको सरकार कामचलाउ हो, यसले दूरगामी महत्त्वको निर्णय गर्न मिल्दैन। अध्यादेश ल्याउन कानूनी र संवैधानिक हैसियत यो सरकारलाई छैन। यसको विषय र मनसाय गलत छ।
  • अदालतमा विचाराधीन मुद्दालाई सरकारले फिर्ता लिन मिल्दैन। यो राजनीतिक विषय हो भन्ने लागेर आवश्यकता देखे नयाँ संसद्ले कानून बनाएर प्रक्रिया अगाडि बढाउन सक्छ।
  • अदालत र संसद्को क्षेत्राधिकारको विषयमा कार्यपालिकाले हस्तक्षेप गरेको छ, त्यसैले सरकारले तत्काल अध्यादेश फिर्ता लिनुपर्छ।

सम्बन्धित समाचार

रेशम चौधरीलाई आममाफी दिन सर्वाेच्चको निर्देशन र नजीर नै बाधक

आममाफीसम्बन्धि सरकारले ल्याउन लागेको अध्यादेशको चौतर्फी विरोध

अध्यादेश फिर्ता हुनुपर्ने रवि लामिछानेको माग

रेशम छुटाउन ल्याउन लागेको अध्यादेशप्रति कांग्रेसका महामन्त्री शर्माको कडा आपत्ति

रेशम चौधरीलाई आममाफी दिन सरकारले ल्यायो अध्यादेश

Tags :

प्रकाशित: २६ मंसिर २०७९, सोमबार १५:३४