भारतमा भेटिएको कोरोनाको नयाँ सब भेरियन्ट कति खतरनाक छ ?



नयाँ दिल्ली। चीनमा कोरोना भाइरसका छिटो फैलनको लागि सम्भावित रूपमा जिम्मेवार रहेको कोरोनाको ओमिक्रोन सबभेरियन्ट BF.7 का तीनवटा केस भारतमा पनि देखिएका छन् । भारतमा अहिलेसम्म BF.7 का तीन जना विरामी देखिएका छन् ।

समाचार एजेन्सी पीटीआईले आधिकारिक स्रोतलाई उद्धृत गर्दै यो जानकारी दिएको हो। समाचारका अनुसार पहिलो BF.7 केस अक्टोबरमा गुजरात बायोटेक्नोलोजी रिसर्च सेन्टरमा देखिएको थियो। हालसम्म गुजरातबाट दुई र ओडिशाबाट एउटा केस रिपोर्ट गरिएको छ। समाचार एजेन्सी एएनआईका अनुसार गुजरातको स्वास्थ्य विभागले यो सबभेरियन्ट फेला परेका दुई जना अहिले निको भएको बताएको छ। बुधबार स्वास्थ्यमन्त्री मनसुख मण्डवीयसँगको भेटमा विज्ञहरुले मुलुकमा कोभिडका केसहरु अझै धेरै नबढेको तर सतर्कता बढाउनुपर्ने बताएका छन् ।

साथै, नयाँ र अवस्थित भेरियन्टहरू अनुगमन र ट्र्याक गर्नुपर्ने सल्लाह दिएका छन् । जब पनि भाइरसले परिवर्तन गर्छ, यसले नयाँ श्रेणी (वंश) वा सब भेरिन्ट सुरु गर्छ। यो महिना सेल होस्ट एण्ड माइक्रोब नामक वैज्ञानिक जर्नलमा प्रकाशित एउटा लेखमा BF.7 सब भेरिएन्ट वास्तविक संस्करणभन्दा चार गुणा बढी प्रतिरोधात्मक क्षमता भएको भाइरसको रूपमा वर्णन गरिएको छ। जसको अर्थ हो कि संक्रमित वा खोप लगाइएको मानिसको क्षमता पनि BF.7 लाई नष्ट गर्न धेरै पर्याप्त छैन । अमेरिका, बेलायत, बेल्जियम, जर्मनी, फ्रान्स र डेनमार्कलगायत धेरै देशहरूमा यस सब भेरियन्टका केसहरू फेला परेका छन्।

Tags :

प्रकाशित: ७ पुष २०७९, बिहीबार ०९:४७