काठमाडौं। नेपाल क्रिकेट संघ क्यानले जारी नेपाल टी–२० क्रिकेट लिगमा म्याच फिक्सिङ र स्पट फिक्सिङको गतिविधिबारे जानकारी भएमा प्रमाणसहित उजुरी दिन आग्रह गरेको छ ।
क्यानले बुधबार एक विज्ञप्ति निकाल्दै नेपाल टी–२० मा फिक्सिङ भएकोबारे जानकारी भएमा क्यानको केन्द्रीय कार्यालय वा लिगको एन्टी करप्सन युनिट एसयू मा उजुरी गर्न आग्रह गरेको हो।
यस विषयमा क्यानको गम्भीर ध्यानाकषर्ण भएको विज्ञप्तिमा उल्लेख गरिएको छ। क्यानले यस्तो मिथ्यता तथा भ्रामक सूचनाहरू नफैलाउन विनम्र अनुरोध पनि गरेको छ।
प्रकाशित: २० पुष २०७९, बुधबार १४:०७