काठमाडौं। लेबर पार्टीका क्रिस हिपकिन्स न्यूजिल्याण्डका नयाँ प्रधानमन्त्री बन्ने भएका छन्।

पार्टीबाट नेतृत्वका लागि एक मात्र उम्मेदवार बनेसँगै ४४ वर्षे हिपकिन्सले प्रधानमन्त्रीमा जेसिन्डा अर्डर्नको ठाउँ लिने पक्का भएको हो । बीबीसीकाअनुसार उनी प्रधानमन्त्री बन्ने पक्कापक्की भइसकेको छ ।

उनी पहिलोपल्ट सन् २००८ मा सांसद निर्वाचित भएका थिए।

नोभेम्बर २०२० मा उनलाई कोभिड १९ विशेषमन्त्री बनाइएको थियो । हिपकिन्स अहिले प्रहरी, शिक्षा तथा सार्वजनिक सेवामन्त्री छन्।

शुक्रबार अर्डर्नले प्रधानमन्त्री पद छोड्ने घोषणा गरेकी थिइन् । हिपकिन्स कति समय पदमा रहन पाउँछन् अनिश्चित छ । किनकि न्युजिल्याण्डमा अक्टुबरमा आम चुनाव हुँदै छ।