काठमाडौं। सिंहदरबार पूर्वी गेटमा ढल फुटेको छ।
ढल फुटेर सडकमा फोहोर थुपारिँदा यस रुटमा चल्ने यातायात समेत प्रभावित भएको छ।
ढलका कारण सडक हिलाम्मे भएको छ भने पैदल यात्री र सवारीसाधन चालकहरूले सास्ती व्यहोरेका छन्।
मंगलबार दिउँसोदेखि ढल फुटेर सडकमा दुर्गन्ध फैलिँदासमेत सरकार बेखबर बनेको स्थानीयले गुनासो गरेका छन्।
पूर्वी गेट वरपरका वासिन्दा ढलको दुर्गन्धका कारण समस्यामा परेका छन्।
प्रकाशित: १८ माघ २०७९, बुधबार १२:४१
