काठमाडौं। नेपाली कांग्रेसका नेता डा. चन्द्र भण्डारीको घरमा ग्यास सिलिण्डर विस्फोट भएको छ।

भण्डारीको काठमाडौं बुद्धनगरस्थित निवासमा हिजो बेलुकी ग्यास सिलिन्डर बिस्फोट भएको हो।

विस्फोटबाट सांसद् भण्डारी र उनकी आमा घाईते भएको उनको सचिवालयले जानकारी दिएको छ।

घाइते दुवैको कीर्तिपुर बर्न अस्पतालमा उपचार भइरहेको बुझिएको छ। सचिवालयका अनुसार भण्डारीको शरीरको करिब २५% र उनकी आमाको ७०% हाराहारी भागमा असर परेको छ।

भण्डारी गुल्मी निर्वाचन क्षेत्र नं १ का संघीय सांसद हुन्।