काठमाडौं। नेकपा माओवादी केन्द्रका अध्यक्ष पुष्पकमल दाहाल प्रचण्डले सुदूरपश्चिम सरकारलाई विश्वासको मत दिन निर्देशन दिएका छन्।
माओवादी सुदूरपश्चिम संसदीय दलले आफ्नेै पार्टीको नेतृत्वमा सरकार गठनको पहल गर्न पत्र लेखेपछि दाहालले आठ दलीय गठबन्धन जोगाउन विश्वासको मत दिन निर्देशन दिएका हुन्।
सुदूरपश्चिम दलका नेता खगराज भट्टले ‘विश्वासको मत दिनू, आठ दलीय गठबन्धन कायम राख्नु, सरकार जोगाउनू’ भन्ने निर्देशन पार्टी अध्यक्ष प्रचण्डबाट आएको बताए।
प्रचण्डको निर्देशनपछि अहिले माओवादी दलको बैठकले निर्णय गर्ने बुझिएको छ।
मुख्यमन्त्री कमलबहादुर शाहले आज विश्वासको मत लिँदै छन्।
यसअघि विश्वासको मत नपाउँदा एमालेबाट मुख्यमन्त्री बनेका राजेन्द्रबहादुर रावलको सरकार ढलेको थियो।
प्रकाशित: २१ फाल्गुन २०७९, आईतवार ११:०९
