हेटौँडा। मकवानपुरको हेटौँडा-६ स्थित वंशगोपाल बहुमुखी क्याम्पसको सभापतिमा नेकपा एकीकृत समाजवादीनिकट अनेरास्ववियूका दिवस सिलवाल निर्वाचित भएका छन्।
त्यहाँ एमालेनिकट अनेरास्ववियु, नेकपा एसनिकट अनेरास्ववियू र विप्लवनिकट अखिल क्रान्तिकारीबीच गठबन्धन थियो।
सिलवाल १८ मतसहित निर्वाचित भएका हुन्। उनका निकटतम् प्रतिस्पर्धी राप्रपानिकट राप्रविसंकी मनिका गौतमले ९ मत प्राप्त गरिन्। वंशगोपालमा नेपाली कांग्रेस निकट नेविसंघ, माओवादीनिकट अखिल क्रान्तिकारी र राप्रपानिकट राप्रविसंबीच गठबन्धन थियो।
यसैगरी वंशगोपालको स्ववियु सचिवमा अनेरास्ववियुकी प्रतिमा लामिछाने (२० मत), कोषाध्यक्षमा रूपा राई (१७मत), सदस्यहरूमा सपना राउत (२३ मत), सुजन गोले १७ मतसहित निर्वाचित भएका हुन्।
प्रकाशित: ५ चैत्र २०७९, आईतवार १६:४५
