सिन्धुलीमा कार दुर्घटना हुँदा ४ जनाको मृत्यु, ज्यान गुमाउने भारतीय नागरिक


तरुण पत्रिका

२९ चैत्र २०७९, बुधबार ११:१८

काठमाडौं– बीपी राजमार्ग अन्तर्गत सिन्धुलीको कमलामाई नगरपालिका–३ गढीगेट नजिक कार दुर्घटना हुँदा ४ जनाको ज्यान गएको छ । प्रहरीका अनुसार ज्यान गुमाउनेमा चारै जना भारतीय नागरिक भएको बताइएको छ । दुर्घटनामा १ जना गम्भीर घाइते भएका छन् ।

मंगलबार राति साढे १२ बजे भारतीय नम्बरप्लेटको बीआर ०६ डीडी ०६८७ कार अनियन्त्रित भएर दुर्घटना भएको जिल्ला प्रहरी कार्यालयका प्रहरी उपरीक्षक राजकुमार सिलवालले बताए । दुर्घट्नामा गम्भीर घाइते १ पुरुषलाई थप उपचारका लागि काठमाडौं पठाउने तयारी भइरहेको छ ।

कारमा ५ जना सवार थिए । मृतक ४ जना पुरुष रहेका छन् । मृतकमध्ये १ जनाको शव सिन्धुली अस्पतालमा र ३ जनाको शव घटनास्थलमै रहेको सिलवालले जानकारी दिए ।

राजमार्गको भीर भएको स्थानमा कार सडकबाट ५०० मिटर तल खसेको थियो। भीरमा जान सहज नभएका कारण शव निकाल्न सकिएको छैन ।

प्रकाशित: २९ चैत्र २०७९, बुधबार ११:१८